Элэгний В вирусээс хэрхэн сэргийлэх вэ

Вакцинжуулалт нь аюулгүй бөгөөд үр дүнтэй ба ихэвчлэн 6 сарын хугацаанд гурван удаагийн тун хийгддэг. Австралид дархлаажуулалтын хөтөлбөрийн дагуу хүүхдүүд энэхүү вакцинд хамрагддаг. Илүү их мэдээллийг эндээс олж мэдээрэй.

Та вакцинжуулалтанд өөрийнхөө эмчийн эмнэлэгт эсвэл бэлгийн эрүүл мэндийн клиник дээр хийлгэж болно. В вирусын халдвартай хүнтэй ойр харьцдаг хүмүүс элэгний клиник дээр мөн вакцин хийлгэх боломжтой. Өөрт ойр байгаа үйлчилгээг энд дарж олоорой. Эндээс.

Хэрэв та саяхан элэгний В вирүстэй хүнтэй аюулгүй бус бэлгийн хавьталд орсон бол (бэлгэвчгүй) эсвэл тарилгыг хуваан хэрэглэсэн бол 72 цагийн дотор иммуноглобулин хэмээх тарилга хийлгэж, элэгний В вирусээс сэргийлэх боломжтой. 14 хоногийн дотор хийвэл үр дүнтэй. Илүү ихийг мэдэхийг хүсвэл Sexual Health Info Line -н 1800 451 624 дугаарт залгаарай.

Элэгний В вирусээс сэргийлэх бусад аргууд:

• Шүдний сойз, сахлын машин зэрэг хувийн ариун цэврийн хэрэгслийг бусадтай хуваалцахгүй байх.
• Аливаа ил шархыг (яр, зүсэгдсэн) боох
• Зөвхөн тусгай зөвшөөрөлтэй, мэргэшсэн мэргэжилтнүүдээр шивээс, биеийн цоолтуур хийлгэж, гадаадад хийлгэхдээ анхаарал болгоомжтой байх.
• Бэлгийн харьцаанд орохдоо бэлгэвч болон зориулалтын чийгшүүлэгч хэрэглэх
• Эм болон мансууруулах бодис тарихдаа өөрийн болон шинэ зүү тариурыг хэрэглэх ба хэзээ ч бусдад дамжуулан хэрэглэхгүй байх.

Хэрэв та жирэмсэн бол заавал цусны шинжилгээ өгч, элэгний В вирусыг шалгуулаарай.

Хэрэв та элэгний В вирустэй бол таны хүүхэд төрснөөсөө хойш 12 цагийн дотор иммуноглобулин болон элэгний В вирусын эсрэг вакцин гэсэн хоёр тарилга хийлгэнэ. Энэ нь таны хүүхдийг вирусын эсрэг тэмцэхэд тусална. Мөн таны хүүхэд 2 сар, 4 сар, 6 сартайдаа элэгний В вирусын вакциныг хийлгэнэ. Үүнийг эмч эсвэл олон нийтийн эрүүл мэндийн төвд хийнэ.

Хэрэв хүүхэд элэгний В вирусын эсрэг вакцин хийлгэсэн бол хөхөөр хооллох нь аюулгүй.

Зөвхөн өөрийн болон шинэ зүү, тариур болон бусад хэрэгслийг ашиглах нь өөрийгөө болон бусдыг элэгний В вирусээс хамгаалах зөв арга юм. Зүү, тариурын хөтөлбөр (NSPs) болон зарим эмийн сангуудаас үнэгүй зүү, хэрэгслийг авах боломжтой.