Элэгний С вирусын халдвар гэж юу вэ

Элэгний С вирусын халдвар нь элэгний С вирус (HCV)-ээр үүсгэгддэг элэгний халдвар бөгөөд нэг хүнээс нөгөө хүнд цусаар дамжин халдварладаг.

Элэгний С вирусын халдвар дэлхийн бүх бүс нутагт байдаг бөгөөд бүх нас, гарал үүсэл, соёлын хүмүүсийг хамардаг. Дэлхий даяар ойролцоогоор 58 сая хүн архаг С вирусын халдвартай амьдарч байна.

Хэрэв эмчлэхгүй бол элэгний С вирусын халдвар нь элэгний ноцтой гэмтэл (элэгний хатуурал) болон элэгний хорт хавдарыг үүсгэх шалтгаан нь болдог

Хэрэв та элэгний С вирусаар халдварласан бол таны бие вирусын эсрэг тэмцэх бөгөөд дөрвөн хүн тутмын нэг нь эмчилгээ хийлгэхгүйгээр 12 сарын дотор вирусээс ангижрах ба үүнийг элэгний С вирусын цочмог халдвар гэж нэрлэдэг. Үлдсэн 75% нь вирустайгаа үлддэг ба үүнийг элэгний С вирусын архаг (урт хугацааны) халдвартай боллоо гэж үзнэ. Эмчилгээ хийлгээгүй элэгний С вирусын архаг халдвартай хүмүүсийн гуравны нэг орчимд шинж тэмдэг илэрч, элэг гэмтдэг байна.

Аз болоход элэгний С вирусын халдвар эмчлэгддэг.

Элэгний С вирусын халдварын шинж тэмдэгүүд

Элэгний С вирусын халдвартай хүмүүст ихэвчлэн шинж тэмдэг илэрдэггүй. Халдвартай эсэхээ мэдэх цорын ганц арга бол цусны шинжилгээ өгөх юм.

Шинж тэмдэг 2-12 долоо хоногийн хугацаанд илэрч болно. Үүнд ханиад хүрсэн юм шиг шинж тэмдэг, шээс өтгөрөх, арьс, нүдний салст шарлах шинжүүдээр мэдрэгдэж болно.

Элэгний С вирусын архаг (урт хугацааны) халдвартай хүмүүст элэг ноцтой гэмтэх хүртлээ шинж тэмдэг илрэхгүй байж болдог. Олон жил болж болно. Дараах шинж тэмдгүүдээс илэрнэ: