O le a le hepatitis C?
O le Hepatitis C o lo’o i ai i itu uma o le lalolagi ma e a’afia ai tagata o vaitausaga uma, talaaga, ma aganu’u. E tusa ma le 58 miliona tagata i le lalolagi atoa o loʻo ola i le hepatitis C tumau.
A aunoa ma se togafitiga, o le hepatitis C e mafai ona afaina ai le ate (cirrhosis) ma le kanesa o le ate.
Afai e te maua ile hepatitis C ole a taumafai lou tino e tete’e ile siama. 1 i le 4 tagata o le a aveesea le siama i totonu o le 12 masina e aunoa ma se togafitiga. O le mea lea e ta’ua o le acute hepatitis C. O le 75% o lo’o totoe o le a fa’aauau pea ona maua le siama i totonu o latou tino. O le mea lea e ta’ua o le hepatitis C tumau (umi-umi). A aunoa ma togafitiga faafoma’i e uiga i le 1/3 o tagata e maua i le hepatitis C tumau o le a atia’e ni faailoga ma le faaleagaina o le ate.
O le mea e lelei ai, o loʻo i ai se fofo mo le hepatitis C.
Fa'ailoga o le hepatitis C
O tagata e maua i le hepatitis C e masani ona leai ni fa’ailoga. Pau lava le auala e iloa ai pe maua oe i le hepatitis C o le faia lea o se su’ega toto.
Mo i latou e maua auga, e mafai ona alu pe a ma le 2 i le 12 vaiaso ona aliali mai lea o fa’ailoga. Atonu latou te lagona e pei ua maua i le fulū, e uliuli le mimi, ma tupu ai le pa’u ma mata (jaundice).
E oo lava i tagata e maua i le hepatitis C faaumiumi (mo se taimi umi) atonu e le lagona le ma’i seia oo ina matua faaleagaina o latou ate. E mafai ona tele tausaga e alu ai. O fa’ailoga atonu e:
tiga o le oga (manava) i le itu taumatau o lou tino
gaoi le tino, tiga ma fiva
popole po'o le atuatuvale
ma'i suka
mamago mata ma mamago gutu
fa'afitauli o le moe ma le vaivai
fa'afaufau, fa'asuaki po'o ua tau le ai (le lagona se fia'ai)
sosolo le mu po'o lala vevela i le pa'u po'o le pa'u mageso
TOE FO‘I 
