Fa’amatalaupu

Afai o lo’o e faia togafitiga i se auaunaga tau soifua maloloina lautele, e mafai ona e fesili mo se fa’amatalaupu e tautala i lau gagana. O le a fa’aliliuina e le fa’amatalaupu mea uma e te fai atu ai ma le tagata faigaluega o le soifua maloloina i le tasi ma le isi.

E ala i le fa’aaogaina o se fa’aliliuupu e mafai ona e:

• Malamalama i mea uma e ta’u atu ia te oe
• Mautinoa o mea uma e te fai atu ai ua malamalama i ai
• Faia ni fesili ma maua ni tali
• Malamalama ma malie e fa’ataunu’u su’esu’ega ma togafitiga.

O le Translating and Interpreting Service (TIS) e tu’uina atu fa’aliliuupu i luga o le telefoni, vitio po’o le auai fa’aletino. O le ‘au’aunaga ale TIS e leai se totogi mo oe pe a e asiasi i foma’i, foma’i tomai faapitoa, ma foma’i talavai.

O lo’o avanoa le ‘au’aunaga fa’aliliuupu telefoni ale TIS i le 24 itula i le aso, i aso uma o le tausaga.

Afai e te le lelei i le Igilisi, e mafai ona e vala’au i le TIS i le 13 14 50 e fesoasoani e fa’aavanoa se taimi atofaina pe talanoa i lau foma’i po’o se foma’i tomai fa’apitoa. Manatua i taimi uma e fesili i le aufaigaluega a le ofisa foma’i e fa’aavanoa se fa’aliliuupu totogi fua mo oe.

E pei o tagata faigaluega uma o le soifua maloloina, e tatau i fa’amatalaupu ona tausia ou fa’amatalaga patino ma e le fa’alaua’iteleina.

Mo nisi fa’amatalaga e uiga i le TIS, asiasi i le TIS website.