Tu’aiga o le hepatitis B

O le siama o le hepatitis B e pasi atu pe a ulu atu suavai o le tino, e pei o le toto, sua si, fa'ua, po o le suavai o le itusa ole tama'ita'i, mai se tasi e maua i le hepatitis B i le tino o se isi tagata. E o'o lava i faitauga itiiti e le vaaia e mafai ona fa'asalalauina le siama.

E mafai ona e maua i le hepatitis B

ile taimi fa'atoa fanau mai, mai se tina e maua i le hepatitis B i lana pepe.
pe a pa'i le toto mai se tagata ua pisia i se manu'a matala (po'u, manu'a) o se isi tagata.
i le taimi o feusuaiga i itutino sa o le tama'ita'i po'o le auala atu i tua e aunoa ma se condom.
e ala i tu ma aga masani po'o aganu'u e ono aofia ai le toto f.t., o pe'a, tatui o le tino, acupuncture.
e ala i tui, togafitiga fa'afoma'i ma nifo i atunu'u e le o fa'availaau lelei (fa'amamaina) le masini. I totonu o Ausetalia, o nei mea e saogalemu.
e ala i le fa'asoaina atu o mea patino e ono i ai le toto, e pei o pulumu fufulu nifo, tafi po o meatotino vavalalata.
e ala i le fa'asoaina o masini o lo'o fa'aaogaina mo fualaau fa'asaina.