Togafitiga mo le hepatitis B
E mafai ona fesoasoani vailaau
O vailaau ia e fa’aitiitia ai le fa’aleagaina o lou ate ma fa’aitiitia ai lou ono maua i le kanesa ate. E mafai fo’i ona latou fesoasoani i lou ate e toe fa’aleleia ia lava. O le a ta’u atu e lau foma’i pe e te mana’omia le inuina o nei vailaau, o le mea lea e taua ai lou vaai soo i lau foma’i.
Asiasi i se foma’i ate
Afai e te mana’omia le inuina o vailaau, o le a faasino oe e lau foma’i ile foma’i ate. E fa’amatala e le foma’i vailaau ‘ese’ese o lo’o avanoa ma po’o fea e sili mo oe. E mana’omia lou va’ai soo i lau foma’i pe a amata ona e inuina vailaau. E taua tele le inu pea o vailaau e pei ona fai mai ai lau foma’i.
Inuina ma le Saogalemu Vailaau
Afai e i iai ni ou faʻafitauli i au vailaau, aua neʻi tuʻu le inu, ae talanoa i lau fomaʻi. Fa’ailoa i lau foma’i ma lau foma’i fa’apitoa pe e te inuina ni vaila’au fa’ale-natura e pei o laula’au po’o togafitiga fa’aleaganu’u, ona o nisi o ia mea e mafai ona afaina ai lou ate pe taofia ai au vailaau mai le galue lelei. E mafai ona latou ta’u atu ia te oe vailaau faanatura e alofia.
Nisi Auala e Puipuia ai le Ola Soifua Maloloina lelei o lou Ate
- Aloese pe fa’atapula’a le ava malosi
- Taumafa i meaai maloloina
- Fa’amalositino i taimi le aunoa
- Taofi le ulaula
- Pulea lou atuatuvale ma ia tele le malologa ma le moe e te mana’omia.
Faamanatu Taua: Afai o lo’o e maua ile hepatitis B, asiasi i lau foma’i mo le siaki ole ate ile 6 masina.
TOE FO‘I 
