Puipuiga mai le hepatitis B

O le tui puipui e saogalemu ma aoga ma e masani ona tu’uina atu fa’atolu i totonu o le 6 masina. I totonu o Ausetalia, o pepe e fai a latou tui puipui o se vaega o la latou polokalame masani mo tui puipui. Saili atili iinei.

E mafai ona e faia tui puipui i le ofisa o lau foma’i po’o se falema’i o feusuaiga. O tagata e feso’ota’i vavalalata ma se tasi e maua i le hepatitis B e mafai foi ona fai tui puipui i le falema’i o le ate. Saili se auaunaga lata ane ia te oe iinei.

Fa’ailoa atu i lau foma’i ma le foma’i fa’apitoa pe afai e te fa’aaogaina ni vailaau masani e pei o laau po’o vailaau masani, aua o nisi o ia vailaau e mafai ona a’afia ai lou ate pe taofia ai au vailaau mai le galue lelei. E mafai ona latou ta’u atu ia te oe po’o a vailaau fa’alenatura e aloese mai ai. Sexual Health Info Line (Laina Fa’amatalaga Soifua Maloloina) i le 1800 451 624.

O isi auala e mafai ona e aloese ai mai le maua o oe i le hepatitis B

• Aua le fa’asoa atu ni mea patino e pei o pulumu fufulu nifo po’o tafi.
• Ufiufi so’o se manu’a matala (po’u, tipi)
• Na’o le faia o ni pe’a po’o ni tatu’i mai i tagata tomai fa’apolofesa ua laiseneina ma fa’aa’oa’oina ma fa’aeteete i le fa’ao’o atu i fafo.
• Fa’aaoga le condom ma lubricants pe a fai feusua’iga
• Fa’aaoga na’o au lava nila po’o ni nila fou ma tui mo le tui o vailaau ma aua ne’i fa’asoa isi masini e tui ai vailaau

Afai o lo’o e ma’itaga, e tatau ona e faia se su’esu’ega toto e siaki ai mo le hepatitis B.

Afai e maua oe i le hepatitis B, o le a tu’uina atu i lau pepe ni tui se lua i totonu o le 12 itula talu ona fanau mai, o se tui e ta’ua o le immunoglobulin, ma le tui puipui o le hepatitis B. O lenei mea o le a fesoasoani i lau pepe e tete’e atu i le siama. O le a maua foi e lau pepe se tui o le hepatitis B i le 2 masina, 4 masina ma le 6 masina le matua. E mafai ona faia lenei mea e lau foma’i po’o le falema’i soifua maloloina i lau itumalo.

E saogalemu le fa’asusuina o lau pepe ia te oe pe afai o le pepe ua uma ona fai tui puipui o le hepatitis B.

Ia tau lava o nila e patino iai te oe poo ni nila fou, tui ma isi mea faigaluega ose auala lelei lea e puipuia ai oe ma isi mai le hepatitis B. E maua fua nila ma mea faigaluega mai Needle and Syringe Programs (NSPs) (Polokalame mo nila ma tui (NSPs)) ma nisi foma’i.