Foma’i
Foma'i Lautele (GP)
Ole foma’i masani ole tagata faigaluega muamua ole soifua maloloina e tatau ona e va’ai pe a e lagona le ma’i. Latou te tu’uina atu fautuaga fa’alesoifua maloloina, fa’atonu vaila’au, fai su’esu’ega fa’alesoifua maloloina, ma fa’asino oe i se foma’i fa’apitoa po’o se falema’i pe a mana’omia.
E sili ona lelei le va’ai i le GP lava e tasi ina ia mafai ai ona latou malamalama lelei i lou soifua maloloina ma so’o se fa’afitauli tau soifua maloloina o lo’o ia te oe.
Afai e te mana’omia se vailaau fa’afoma’i, e mafai e lau foma’i ona tu’uina atu ia te oe se pepa talavai. O nisi vailaau, e pei o vailaau fa’afoma’i, e mana’omia le fa’atonuga a le foma’i. E tatau ona e tu’uina atu le pepa talavai i se fale talavai e mafai ona e fa’atauina ai.
Afai e iai sau pepa Medicare ma o lau fomai faaleaiga e lafo sa’o le pili i le Medicare, e leai se totogi o lau asiasiga. Afai o lau GP e le lafo sa’o pili i le Medicare, e tatau ona e totogia se vaega po’o le tau atoa.
O nisi fomai faaleaiga e tu’uina atu auaunaga i se tau maualalo, po’o lau inisiua soifua maloloina tumaoti po’o le Overseas Student Health Cover e mafai ona totogi le tau o lau asiasiga GP.
Siaki i taimi uma pe e te mana’omia le totogiina o le va’aiga o se fomai faaleaiga ae e te le’i faia se taimi atofaina ma latou.
Foma'i tomai fa'apitoa
O foma’i tomai fa’apitoa o foma’i ua a’oa’oina e togafitia ma tausia tagata o lo’o i ai se fa’afitauli fa’apitoa tau soifua maloloina. E mafai e lau fomai faaleaiga (GP) ona fautua atu ia te oe e va’ai se foma’i pe a e mana’omia nisi su’esu’ega po’o togafitiga fa’apitoa. Mo se fa’ata’ita’iga, mo fa’afitauli o le fatu, atonu e mana’omia ona e va’aia se foma’i fa’apitoa ile fatu o le a va’ava’aia lelei lau togafitiga ma le tausiga.
Mo le va’aia o se foma’i tomai faapitoa, e tatau ona i ai sau tusi fa’asino mai lau fomai faaleaiga (GP) ma e tatau ona e faia se taimi atofaina.
O le tau o le va’aia o se foma’i tomai faapitoa e fai siga taugata. Atonu e mana’omia le totogi e va’ai ia latou tusa lava pe i ai sau pepa Medicare. O lo’o i ai nisi tagata tomai fa’apitoa o lo’o tu’uina atu auaunaga i se tau maualalo ma lau inisiua soifua maloloina tumaoti.
Kiliki iinei e su’e ai se foma’i po’o se foma’i fa’apitoa e sa’o mo oe.
TOE FO‘I 
