Kau Fakatonulea

Kapau ‘oku fai hao faito’o ‘i ha sevesi fakafaito’o fakapule’anga, ‘oku ke lava pe ke kole ha fakatonulea ‘i ho’o lea tu’u fonua ‘a ‘au. .’E fakatonulea ‘e he taha fakatonulea ‘a e me’a kotoa pe lolotonga ‘a ho’omo fepotalanoa’aki mo ho’o ‘ofisa mo’ui

‘I ho’o ngaue’aki ko ia ha taha fakatonulea ‘oku ke lava ai ‘o:

• Mahino’i ‘a e me’a kotoa pe ‘oku fakamatala’i atu
• Fakapapau’i ko e me’a kotoa pe ‘oku fakamatala ‘oku mahino’i lelei
• ‘Eke ha ngaahi fehu’i pea ‘oatu foki hano tali
• Mahino’i mo fakangofua hao ngaahi sivi mo faito’o.

Ko e sevesi fakatonulea “The Translating and Intrpreting Service (TIS)” ‘oku nau lava ‘o ‘atu ha taha fakatonulea telefoni, vitio pe femaataaki. Ko e sevesi ‘a e TIS ‘oku ta’etotongi pe kiate koe ‘i he taimi ‘oku ke ‘a’ahi ai ki ha toketaa, sipesalisi, mo ha ofisa ngaue mei he kemisi.

Ko e sevesi fakatonulea telefoni ‘a e TIS ‘oku ‘ataa houa ‘e 24 he ‘aho ke ngaue’aki, ‘aho kotoa pe ‘o e ta’u.

Kapau leva ‘oku ‘ikai ke fu’u lelei ‘a ho’o lea fakapapalangi, te ke lava ‘o ta ki he TIS ‘i he 13 14 50 ke nau tokoni atu ‘o puka ha’o ‘apoinimeni pe talanoa ki ho’o toketaa pe sipesalisi. Manatu’i ma’u pe ke ke kole ki he tokotaha talitali kakai ‘i he ‘ofisi ‘o e toketaa ke ne puka ha’o fakatonulea ta’etotongi.

Hange pe ko e kau ‘ofisa mo’ui kotoa, ko e kau fakatonulea kuo pau ke nau malu’i foki ‘a e ngaahi fakaikiiki fakataautaha kotoa.

Ki ha toe ngaahi fakamatala fekauʻaki mo e TIS, ʻaʻahi ki he uepisaiti ʻa e TIS.