Mafola ʻo e mahaki ʻate B

Ko e vailasi hepataitisi B 'oku tufaki atu ia 'i he ngaahi huhu'a mei he sino, 'o hange ko e toto, huhu'a hi mei he tangata, favai, pe huhu'a mei he halanga tama 'a fafine, 'o ha taha 'oku mo'ua 'i he hepataitisi B 'o hu ki he sino 'o ha taha kehe. Tatau ai pe ia pe ko ha ki'i me'i huhu'a valevale ki he sio 'a e mata 'oku lava pe ke ne tufaki 'a e vailasi.

'Oku ke ala ma'u 'a e hepataitisi B

'e he ki'i pepee 'i hono fanau'i mei ha fa'e 'oku hepataitisi B.
'i he taimi 'oku a'u ai ha toto 'o ha taha 'oku puke ki ha lavea (mata'i pala, mahifi) 'o ha taha kehe
lolotonga e mohe faka-e-natula fakamali pe koe fai 'i he mata'i tungaiku 'o 'ikai tui ha konitomu.
fai 'o ha fa'ahinga to'onga tukufakaholo pe ouau fakafonua 'a ia 'e kau ai e tafe ha toto hange ko e taa tatau, tui'i 'o e ngaahi konga 'o e sino, pe faito'o hokohoka hui (acupuncture).
'i he huhu, faito'o pe ko ha ngaahi ngaue ki he nifo 'i ha ngaahi fonua 'a ia 'oku 'ikai ke fakama'a (haka vai lili) fakalelei 'a e ngaahi me'a ngau.e 'I 'Aositelelia ni, ko 'eni 'a e ngaahi founga malu.
'i he fevahevahe'aki 'o e ngaahi naunau fakafo'ituitui 'a ia ne pani toto, 'o hange ko e polosi fulunifo, tele pe ha ngaahi naunau fakataautaha.
ha ngaue taufetongi 'aki ha ngaahi naunau ki he huhu faito'o konatapu.

'Oku 'ikai malava ke ma'u koe 'e he hepataitisi B mei he

tale pe mafatua.
'uma, fa'ofua pe fepukenima'aki.
kai 'e he namu pe ha toe 'inisekite.
fevahevahe 'aki 'o ha me'atokoni, ngaahi naunau kai, pe ha ipu inu sio'ata.
ngaue'aki fakataha pe 'a e falemalolo.
kaukau 'i he vai kaukau.

Ko e ma’u kei si’i ange ‘o ha taha ‘e he hepataitisi B, ko e ma’olunga ange ia ‘o e ‘amanaki ke ma’u ia ‘e he hepataitisi B ‘o ne mahaki tauhi ‘aki ‘i ha’ane matu’otu’a ange.