Ngaahi sevesi fakavavevave ki he mo’ui lelei
Potungaue fakavavevave
Fakamatala kihe Potungaue fakavavevave
Ki ha fiema’u fakafaito’o fakavavevave, te ke lava ‘o ‘alu ki he Va’a Fakavavevave ‘i he falemahaki fakapule’anga ofi taha atu kiate koe.
Ko e Va’a Fakavavevave ‘oku ava houa ‘e 24 he ‘aho kotoa, ‘aho ‘e 7 he uike pea ‘oku ‘i ai ma’u pe ha kau toketa mo e kau neesi ‘i ai.
Ko e ngaahi ‘a’ahi ki he va’a fakavavevave ‘o e falemahaki fakapule’anga ‘oku ta’etotongi ‘o kapau ‘oku ‘i ai ha’o kaati Medicare.
Ki ha toe ngaahi fakamatala lahi ange ki he Va’a Fakavavevave, ‘a’ahi ki he Uepisaiti Tokoni ki he Mo’ui NSW.
Fakamatala kihe va’a ‘o NSW ambulance
Kapau ‘oku ‘ikai ke ke lava ‘o a’u ki ha potungaue fakavavevave koe’uhi ‘oku ke lavea lahi, ‘i he mamahi lahi pe ‘oku ‘ikai ke ke mo’ui lelei lahi, ‘oku totonu ke ke telefoni ki he Triple Zero (000) ke ma’u ha tokoni. Ko e taimi te ke telefoni ai ki he Triple Zero (000), ʻe ʻeke atu ʻe he tokotaha ngāué pe ʻokú ke fie maʻu:
polisi
tamate afi
’emipuleni.
Kapau ‘oku ‘ikai ke ke lava lelei ‘a e fetu’utaki fakapapalangi, talaange ki he tokotaha tali telefoni ‘a e lea ‘oku ke ngaue’aki. ‘E fakahoko leva koe ‘e he tali telefoni ki ha fakatonulea ‘i he taimi pe ko ia. Ngaue’aki ‘a e fakatonulea leva, ke fakaha ki he taha tali telefoni ‘oku ke fiema’u ha ’emipuleni. ‘E fai leva ‘e he ‘ofisa ’emipuleni ho tokoni’i fakavavevave vivili pea mahalo pe te ne ‘ave ai pe koe ki he va’a ‘imesenisii (emergency department) ‘o kapau ‘oku ke fiema’u hao faito’o ‘i ha falemahaki.
Ki ha toe ngaahi fakamatala lahi ange ki he Sevesi ‘Emipuleni ‘a NSW (NSW Ambulance Service) ‘a’ahi ki he website.
Ko e totongi ‘o e ’emipuleni mo e faito’o ‘i he ‘imesenisii ‘e ala totongi kakato pe ia ‘e ho’o ‘inisiua mo’ui palaiveti pe ko ha’o Overseas Student Health Cover.
Talanoa ma’u pe ki ho’o kautaha ‘inisua mo’ui ‘i he taimi ‘oku ‘i ai ha’o fehu’i fekau’aki mo e totongi ‘a ia ‘oku totongi ‘e ho’o ‘inisiua.
Fakahinohino-Fiema’u Fakafaito’o
Kapau leva ‘oku ke ongo’i puke ka ‘oku ‘ikai lava ke ke sio ki ha toketaa, telefoni ki he ‘Healthdirect ‘i he 1800 022 222 ki ha fale’i fakafaito’o ta’etotongi. ‘E tali e telefoni ‘e ha neesi pea te ne fakafehu’i koe fekau’aki pea mo ho’o mo’ui fakasino.
‘E tala atu leva ‘e he neesi e me’a ke ke fai. Kapau ‘e fiema’u, mahalo pe te nau fakahoko koe ki ha sevesi toketa telefoni pe ‘onilaine (ki ha tokotaha lahi pe fanau) pe ki ha Urgent Care Service ofi kiate koe.Ko e sevesi foki ko ‘eni ‘oku ta’etotongi pe pea ala ma’u he houa ‘e 24 he ‘aho, ‘aho ‘e 7 he uike.
Te ke lava foki ‘o vakai’i ‘a e ngaahi faka’ilonga ‘oku ke ongo’i pea ke kumi ‘a e sevesi fakafaito’o ‘onilaine ‘i he healthdirect website.
Ki ha palopalema fakafaito’o ‘oku ‘ikai ke fu’u faingata’a’ia, tonu pe ke ke ‘alu ‘o sio ki ho’o toketa fakafamili (GP).
Ki ha toe ngaahi fakamatala, ‘a’ahi ki he Uepisaiti Sevesi Tauhi Fiema’u Vivili.
KI MUI
