Fakamatala lahi
Ko e sisitemi mo’ui ‘oku fa’u ia ‘aki ‘a e ngaahi sevesi mo e ngaahi kautaha ‘oku nau fakahoko ‘a e tokanga’i ‘o e mo’ui. ‘Oku kau heni ‘a e ngaahi falemahaki, ngaahi kiliniki mo’ui mo e kau ngaue ki he tokanga’i ‘o e mo’ui ‘o hange ko e kau toketaa, kau neesi, mo e kau faka’uhinga lea. Kae kehe, ‘e lava ke fihi, pea ‘oku ‘ikai ‘ilo‘i ‘e he kakai tokolahi ‘a e ngaahi ngāue ‘oku ala ma‘ú pe ko e hā ‘oku nau ‘oatú.
Ko e Medicare mo e sisitemi falemahaki fakapule'anga
Ko e Medicare ko e sisitemi tauhi fakalukufua ia ‘i ‘Aositelelia ki he mo’ui. Ko e kotoa ‘o kinautolu ko ia ‘oku nau nofo fonua ‘i ‘Aositelelia pea mo e ni’ihi ‘o ha ngaahi visa ‘oku nau ma’u e totonu ke ‘i ai ‘enau kaati Medicare. Kapau ‘oku ‘i ai ha’o kaati Medicare pau, ‘e totongi leva ‘e he pule’anga ‘Aositelelia ‘a e konga pe kotoa ‘o e ngaahi fakamole ki hao tauhi ‘o kau ki ai mo e totongi ‘o ho’o ngaahi sio toketa pea mo hono fai ‘o hao faito’o ‘i ha falemahaki pe kiliniki fakapule’anga.
Kapau ‘oku ‘i ai ha’o kaati Medicare, ‘oku ke lava foki ‘o fakatau ‘a ho’o ngaahi faito’o ko ia ‘oku tohi atu ‘e he toketaa ‘i ha totongi matu’aki ma’ama’a ‘i he Pharmaceutical Benefits Scheme (PBS).
To’oto’o ma’u pe ‘a ho’o kaati Medicare ‘i he taimi ‘oku ke ‘alu ai ‘o sio toketaa, falemahaki, pe kiliniki.
Lomi’i heni ki ha fakamatala lahi ange fekau’aki mo e Medicare.
'Inisiua Mo'ui Palaiveti (fakataautaha)
Ko e ‘Inisiua mo’ui palaiveti ‘oku ne faka’ataa kiate koe ke ke fili ki he ngaahi sevesi faito’o ‘a ia ‘oku ‘i tu’a ia ‘i he sisitemi fakapule’anga. Ki he ngaahi sevesi ko ia ‘o e ngaahi tauhi fakataautaha (private health care service), fakataha pe ‘i loto pe ‘i tu’a mei he falemahaki, ‘oku ke totongi ‘e koe ‘a e fakamole ko ia ‘o he tauhi.
‘Oku ala lava pe ‘e ho’o ‘Inisiua Mo’ui Palaiveti ‘o totongi ha ni’ihi ‘o hao ngaahi faito’o ‘a ia ‘e ‘ikai totongi ‘e he Medicare ‘o hange ko e sevesi ko ia ‘a e ta’aki nifo, fisioo, mo e matasio’ata lautohi. Kaikehe, taimi lahi ‘oku nau totongi pe konga ‘o ‘ikai totongi kakato e ngaahi sevesi.
Vakai’i ma’u pe ki ho’o ‘ofisa mo’ui tauhi, ‘o hange ko ho’o toketaa, mo ho’o kautaha ‘inisiua ke ‘ilo’i:
- ‘e fiha ‘a e totongi ‘o e sevesi
- ‘e fiha ‘e totongi ‘e ho’o polisii ‘inisiua
- founga mo e taimi ‘o e totongi.
Ki ha toe ngaahi fakamatala ki he ‘inisiua mo’ui palaiveti, ‘a’ahi ki he
ʻUepisaiti ʻa e Puleʻanga ʻAositelēlia
Moʻui mo e Moʻui Lelei | ʻUepisaiti ʻa e Puleʻanga
Senita Mo’ui Fanauako Fakatu’apule’anga “International Students Health Hub”.
Potungaue Mo'ui Loukolo
‘I Niusauele, ‘oku ‘i ai ha ngaahi sino pule Potungaue Mo’ui Loukolo (LHDs) ‘e 15. Ko eni e ngaahi ‘elia ‘oku nau fakalele ‘a e ngaahi sevesi ki he mo’ui mo e ngaahi falemahaki ‘i he ngaahi feitu’u kehekehe ‘i he vahefonua ni.
‘Oku ‘i ai ha LHDs (Local Health District) ‘e ono ‘i he ‘elia ‘o Sene, pea LHDs ‘e hiva ‘i he ngaahi feitu’u ‘uta ‘o NSW.
‘Oku ke ‘ilo ‘a ho’o potungaue mo’ui loukolo? Kumi ki he ngaahi fakamatala mo e ngaahi sevesi ki he ngaahi potungaue mo’ui loukolo ‘i ha’o ‘a’ahi ki he uepisaiti ‘a ho’o potungaue mo’ui loukolo uepisaiti.
KI MUI
