Fakahaohao mei he mo’ua ‘i he hepataitisi B

Ko e huhu malu’i ‘oku malu pea ‘aonga pea ‘oku anga maheni pe ke ma’u ha tousi fakakatoa ‘e tolu ‘i he vaha ‘o e mahina ‘e 6. ‘I ‘Aositelelia ni, ‘oku huhu malu’i ‘a e fanau valevale ko ha konga ia ‘o honau ngaahi polokalama huhu malu’i Ke toe ‘ilo lahi ange heni.

‘Oku lava pe ke fai ho huhu malu’i ‘i he ‘ofisi ‘o ho’o toketaa, pe kiliniki mohe fakamali mo’uilelei. Ko kinautolu foki ko e ‘oku nau nofo feohi vaofi mo ha taha ‘oku mo’ua ‘i he hepataitisi ‘oku nau lava ‘o fai honau huhu malu’i ‘i he kiliniki ‘ate. Ma’u ‘a e sevesi ofi atu kiate koe heni.

Kapau ne ke mohe fakamali ‘ikai ngaue’aki ha me’a malu’i (‘ikai tui ha konitomu) mo ha taha ‘oku hepataitisi B pe ne mo ngaue’aki ha me’a huhu tatau, ‘oku ke lava ke ma’u ha’o huhu ‘oku ui ko e “immunoglobulin” ‘i he houa ‘e 72 hoko mai ke malu’i koe mei he ma’u ‘e he hepataitisi B. ‘Oku ‘aonga ‘o kapau ‘e fai ‘a e huhu ko ‘eni ‘i loto he ‘aho e 14. Ke toe ‘ilo lahi ange, ‘oku ke lava ‘o ta ki he Telefoni Ma’u Tokoni ki he Mohe Fakamali Malu i he 1800 451 624.

Toe ngaahi founga ke malu’i ai koe mei he hepataitisi B:

• ‘Oua te mo ngaue’aki ha polosi fulunifo pe tele tatau mo ha toe taha kehe.
• Palasitaa’i hao lavea (mata’i pala, mahifi)
• Toki fai pe hao taa tatau pe avangi telinga etc ‘i ha fale ‘osi laiseni, kau ngaue ‘osi ako’i fakapolofesinolo pea ke tokanga ‘aupito ‘o kapau ‘e fai ‘i tu’apule’anga
• Ngaue’aki ha konitomu mo ha lolo he taimi ‘oku mo mohe fakamali ai
• Ngāue‘aki pē ho‘o ngaahi me’angaue mo e ngaahi huhu fo‘ou ki hono huhu ‘o e faito‘o kona tapú pea ‘oua ‘aupito na‘á ke vahevahe ha ngaahi me‘angāue huhu faito‘o kona tapú kehe .

Kapau ‘oku ke feitama, ‘oku totonu ke fai hao sivi toto ke vakai’i ‘a e hepataitisi B.

Kapau leva ‘oku ke hepataitisi B, kuo pau leva ke fai ha huhu ‘e 2 ki ho’o pepe ‘i loto ‘i he houa ‘e 12 ‘o ‘ene to mai, koe huhu malu’i ‘o ha faito’o ‘oku ui ko e “immunoglobulin”, pea mo e huhu malu’i hepataitisi B ‘E tokoni ‘eni ki ho’o pepe ke ne fakafepaki’i ‘a e vailasi ni. ‘E toe ma’u foki ‘e ho’o pepe ha toe tousi hepataitisi B ‘i hono mahina 2, mahina 4 pea mo hono 6 mahina. ‘Oku lava ‘eni ‘o fai ‘e ho’o toketaa pe ‘i he senita mo’ui ‘a e komiuniti.

‘Oku malu pe ‘a e fakahuhu ‘o pepe kapau kuo ‘osi fai ‘a hono huhu malu’i hepataitisi B.

Ko e ho’o ngaue’aki pe ho’o me’a tonu pe ko ha mata’i hui fo’ou, ngaahi me’ahuhu mo e ngaahi me’a ngaue kehe ko e lelei taha ia ki hono malu’i koe pea mo e ni’ihi kehe foki mei he hepataitisi B. ‘Oku lava pe ‘o ma’u ‘a e ngaahi mata’i hui mo e me’angaue ta’etotongi mei Polokalama Tokoni Mata’ihui mo e Me’ahuhu (NSPs) ha ngaahi kemisi ‘e ni’ihi.