Faitoʻo ki he hepataitisi B
ʻE lava ke tokoni ʻa e ngaahi faitoʻó .
Ko e ngaahi faito‘o ko ení ‘oku nau fakasi‘isi‘i ‘a e maumau ki ho ‘até pea fakasi‘isi‘i ai ho‘o fakatu‘utāmaki ke ma‘u ‘e he kanisa ‘o e ‘até. ‘E lava ke nau toe tokoni‘i ho ‘até ke ne fakalelei‘i ia ‘e ia tonu. ‘E talaatu ‘e ho’o toketaa pe ‘oku fiema’u ke ke to’o ‘a e ngaahi faito’o ko ‘eni, ko e ‘uhinga ia ‘oku mahu’inga ai ke ke sio ma’u pe ki ho’o toketaa.
ʻAlu ʻo ʻasi ki he Toketa ʻate
Kapau ‘oku fiema‘u ke ke to‘o ha ngaahi faito‘o, ‘e ‘ave koe ‘e ho‘o toketaá ki ha Toketa mataotao ‘i he ‘até. Te ne fakamatala‘i atu ‘a e ngaahi faito‘o kehekehe ‘oku ala ma‘ú pea ko e fē ‘oku lelei taha kiate koé. Te ke fie maʻu ke sio maʻu pē ki hoʻo toketā mataotaó ʻi he taimi pē te ke kamata inu ai ʻa e ngaahi faitoʻó. ‘Oku mahu‘inga ‘aupito ke kei to‘o pē ‘a e ngaahi faito‘ó ‘o hangē tofu pē ko ia ‘oku tala atu ‘e ho‘o toketaá.
Ko hono ma’u ʻo e Faitoʻó
Kapau ‘oku ‘i ai ha’o palopalema ‘i ho’o ngaahi faito’o, ‘oua ‘e tuku ho’o to’o, ka ke talanoa ki ho’o toketaa. Fakahā ki hoʻo toketaá mo e mataotaó pe ʻokú ke toʻo ha ngaahi faitoʻo fakanatula hangē ko e ngaahi ʻakau pe ngaahi faitoʻo tukufakaholó, he ʻe lava ke uesia ʻe he niʻihi ʻo kinautolu ho ʻaté pe taʻofi hoʻo ngaahi faitoʻó mei heʻene ngāue leleí. Te nau lava ʻo talaatu ʻa e ngaahi faitoʻo fakanatula ke fakaʻehiʻehi mei aí.
Ngaahi Founga Kehe ke Tauhi Hoʻo ʻAté ke Moʻui Lelei
- Fakamama’o pe fakasi’isi’i ‘a e ma’u ‘o e ‘olokaholo
- Kai e me’akai mo’uilelei
- Fakamalohisino ma’u pe
- Tuku ‘a e ifi tapaka
- Tokanga’i e loto mafasia pea ke tokanga ke ma’u ha malolo fe’unga ‘o fakatatau ki ho’o fiema’u.
Fakamanatu Mahu’inga: Kapau ‘oku ke ma’u ‘a e hepataitisi B, ‘oku mahu’inga ke ke sio ma’u pe ki ho’o toketaa ke fai hano sivi mo tokanga’i ‘a ho ‘ate ‘i he mahine ‘e 6 kotoa pe.
KI MUI
