Me’a-Fakavaha-Fanau
Ko e me’a-fakavaha-fanau ko e me’a ‘oku ngaue’aki ‘e kinautolu ‘oku nau loto pe ke nau mohe fakamali kae malu’i mei ha feitama. ‘I he taimi ‘e ni’ihi ‘oku ngaue’aki ‘e ha ni’ihi ‘a e me’a-fakavaha-fanau ke faito’o e ni’ihi ‘o e ngaahi palopalema ‘o kakai fefine, ‘eke ange ki ho’o toketa ki ha toe ngaahi fakamatala.
‘I ho’o mohe fakamali leva mo ha hoa fo’ou ‘i he fa’ahinga kehe (opposite sex), ‘oku mahu’inga kiate kimoua ke mo talanoa ki he fakavaha-fanau kimu’a ho’omo felotoi ke mo mohe fakamali, he koe ngaue’aki ‘o e fakavaha-fanau te ne uesia loua ki moua.
‘Oku mahu’inga foki ke mahino’i ‘a e kalasi kehekehe ‘o e ngaahi fakavaha-fanau ke ke lava ‘o fili ‘a e lelei taha ‘e fe’unga mo koe mo ho hoa. Ko e ngaahi fa’ahinga kehekehe ‘o e fakavaha-fanau ‘oku kehekehe pe ‘a ‘ene ngaue ki hono ta’ofi ko ia ‘o e feitama.
‘Oku matu’aki mahu’inga ke faka’aonga’i ‘a e me’a fakavaha-fanau ‘o fakatatau ki hono ngaahi tu’utu’uni ‘o kapau ‘oku ‘ikai te ke fiema’u ke ‘iai ha’o pepe. Fakatataa, ko e konitomu ‘e fiema’u ia ke tui ‘i he taimi kotoa pe te mo fai ai, ko e foi’akau ia ‘oku pau ke folo faka’aho, pe ko ha’o fili ‘a e fakavaha-fanau ko ia ‘oku fakahu kiate koe pe (lupu) IUD ‘a ia ‘e ‘ikai fiema’u ha toe me’a ‘e fai ‘i ha ngaahi lau ta’u hili ko ia ‘a hono fakahu.
Ko hono ngaue’aki ‘o e fakavaha-fanau ‘e ‘ikai te ne uesia ‘a ho’o malava ke fa’ele ‘i he kaha’u. Kapau kuo toki ‘osi ha’o fa’ele, ‘e tokoni leva ‘a e fakavaha-fanau ke fakavahavaha atu ‘a ho’o toe feitama pe ta’ofi koe mei he feitama kapau kuo ‘ikai te ke toe fiema’u fanau.
Ki ha toe ngaahi fakamatala mamata ki heni postnatal contraception video (vitio fakavaha-fanau hili ‘o e fa’ele),’a ia ‘oku ala ma’u atu ‘i ha lea tu’ufonua e valu.
Ko e ha 'a e ngaahi Fa'ahinga Kalasi kehekehe 'o e Fakavaha-Fanau?
1. Fakavaha-fanau Homouni
Fo’i ‘akau Fakavaha-fanau
(fakatahataha’i ki he fo’i’akau fakavaha-fanau, fanga ki’i fo’i’akau valevale, polokesiteloni-fo’i ‘akau pe)
Fakavaha-fanau fakahu ki he sino- uma
(ko ha fo’i pa pe ‘Implanon’)
Fakavaha-fanau fakahu ki he loto taunga fanau ( homouni IUD pe ‘Malena’ pe ‘Kailena’)
Huhu fakavaha-fanau
(depo)
Mama halanga-tama fefine
2. Founga Ta’ofi
tangata(tu’asino)
konitomu
fefine(loto)
konitomu
3. Fakavaha-fanau ‘ikai kau ai ha homouni
Meʻangāue ʻi loto ʻi he manava ʻo e kopa(lupu kopa IUD)
Taiafelemi Fakavaha-fanau
4.Fakavaha-fanau Fakavavevave*
Meʻangāue ʻi loto ʻi he manava ʻo e kopa(lupu kopa IUD)
Fo’i ‘akau Fakavaha-fanau fakavavevave
*’E fiema’u ke ke folo leva ‘a e ‘Emergency Contraception Pill (fo’i ‘akau pongipongi) ‘i he vave taha hili koia ‘a ho’o mohe fakamali ‘ikai malu’i kae lava ke ‘aonga. Ko e mohe fakamali ‘ikai malu’i koe taimi ko ia ‘oku ‘ikai ai ke ke ngaue’aki ‘a e me’a fakavaha-fanau ‘o fakatatau ki hono fakahinohino. Fakatataa: ko ha konitomu ne ‘ikai ke tui pe ne homo lolotonga ho’omo mohe, pe ne ngalo ke folo ‘a e fo’i ‘akau fakavaha.
Ke ma’u ‘a e fo’i ‘akau ‘Emergency Contraceptive Pill’ te ke lava ‘o ‘alu ki ho’o faamasii loukolo ‘o fai ha’o ki’i ma’u fale’i nounou mo ha taha faamasii. ‘Oku ‘uhinga ia ‘oku ‘ikai te ke fiema’u ha tohi ‘ota mei he toketa. ‘Oku fiema’u ke ke folo ‘a e Emergency Contraceptive Pill pe ko hano fakahu ‘a e IUD kopa ‘i loto taungafanau he houa ‘e 72 mei he ‘osi ko ia ‘o ho’o mohe fakamali ‘ikai malu’i. Ko e vave ange ‘a ho’o folo ‘o e fo’i ‘akau ECP, ko e pau ange ia ‘o ‘ene ‘aonga.
Lau ‘i heni ki ha toe ngaahi fakamatala fekau’aki mo e ngaahi fa’ahinga me’a fakavaha-fanau.
Ko e ha e ngaahi uesia makehe 'o e fakavaha-fanau?
‘Oku kehekehe pe ‘a e ngaahi uesia makehe ‘o e ngaahi fa’ahinga me’a fakavaha-fanau taki taha. ‘Oku ‘i ai pe ha ni’ihi ‘oku nau fekuki mo ha uesia makehe, ka koe ni’ihi ia ‘oku ‘ikai ke uesia kinautolu ia.
Ngaahi uesia lelei ‘oku lava ke holoki ‘a e ‘au he fakamahina, ‘ikai fakamahina, ta’ofi ‘a e langa kete ‘enitometuliosisi, holoki ‘a e fuofua he mata.
Ngaahi uesia kovi ‘e lava pe ke kau ai ‘a e toe lele lahi ange ‘a e ‘au ‘o e fakamahina, ‘au lolotonga ‘a e vaha’a ki he fakamahina hoko, uesia ‘a e ongo’i ‘o e loto pea mo ha ake ‘o e fo’i huhu.
Ki ha toe ngaahi fakamatala ki he ngaahi fa’ahinga kehekehe ‘o e fakavaha-fanau, pe ke ‘ilo ‘a e kalasi fakavaha-fanau ‘e fe’unga lelei mo koe, talanoa mo ho’o toketa pe ‘ofisa mo’ui fakapalofesinolo.
Feitama 'ikai ke palani ki ai
‘Oku lava ke hoko ‘a e feitama ‘ikai ke palani’i ki ha fefine pe ‘i ha fa’ahinga ta’u motu’a mo ha fa’ahinga puipuitu’a.
Kapau leva te ke feitama ‘ikai palani’i pe te ke ‘ilo ki ha taha pehe, ‘oku ‘i ai ha tokoni ta’etotongi mei he Pregnancy Choices Helpline ‘oku ‘ataa, ‘ikai filifilimanako pea toe malu’i foki ‘a e ngaahi fakaikiiki ‘o ha ngaahi fakamatala ki he ngaahi fili ki he feitama. Ki ha fale’i lelei mei ha ‘ofisa mo’ui polofesinolo, ‘a’ahi ki he uepisaiti pe ta ki he Laine Tokoni ‘a e ‘Pregnancy Choices’ Helpline ‘i he 1800 008 463, ‘a ia ‘oku ala ma’u he Monite ki he Falaite mei he taimi 8.00 pongipongi – 8.00 efiafi.
Lau heni ki ha toe ngaahi fakamatala fekau’aki mo e ngaahi fili ki he faitama mo ha ngaahi ma’ungatala ‘oku ala ma’u ‘i he ngaahi lea tu’ufonua kehekehe.
KI MUI
